Chapter 45
ELAYZA
"What?!"
Napatingin ako kay Sir Arnold na noon ay napatayo sa kanyang kinauupuan.
Agad siyang umalis sa kanyang pwesto at lumapit kay Manang Gigi habang kami na naroon sa kusina ay tulala at hindi halos alam kung ano ang susunld na gagawin.
Nahawakan ko ang dibdib ko sa lakas ng t***k ng puso ko. Hindi ko kayang pigilan ang malakas dagundong ng puso ko.
"W-Where's Arc? S-Saan hospital siya dinala?" tanong ni Sir Arnold nang kunin niya ang telepono kay Manang Gigi. Halata sa boses niya ang matinding takot.
Ilang beses din nagpa-sign of the cross si Manang Gigi habang halos naiiyak na.
"Ok. Thank you." Ibinaba ni Sir Arnold ang telepono kasunod pagtingin kay Ma'am Beverly.
"Diyos ko! Anong nangyari kay Arc?" kinakabahang tanong ni Ma'am Beverly nang makalapit
