Dahil naka-motor kami, mas mabilis ang aming naging biyahe. Hindi ko alam ang daan na tinatahak namin pero isa lang ang napansin ko. Wala masiyadong nadaan at puno lang ng puno ang nakikita ko. Mas lumalamig na din ang simoy ng hangin dahil pataas kami.
Tanging nakakapit lang ako kay Sir Sam at panay lang ang amoy ko sa kaniyang mabangong amoy.
Amoy fresh.
"Saan tayo pupunta?" Tanong ko kay Sir Sam kahit hindi ko sure kung naririnig niya ba ako. Ang lakas na rin kasi ng hangin.
"We are near" tanging sagot niya.
Maya-maya lang ay tumigil na din kami. Ibinaba muna ni Sir Sam ang stand bago ako inalalayan pababa. Hindi ko abot 'yong baba, kailangan pa tuloy akong buhatin.
"Careful" bulong niya pa nang muntikan na akong mawalan ng balanse ngunit nasalo niya ako. Nag-init ang pisngi
