Sabay na tumalon sina Hermes sa mataas na pader na inakyat nila kanina. Agad silang nagtago nang nasa bakuran na sila nang palasyo. Tulad nang sinabi sa kanila ni Solomon ay nababalutan nga ng maitim na ulap ang malaking bahagi ng Lema. Mula nang makapasok sila boundary ng Lema mula sa Dragona ay nababalutan na ng maitim na ulap ang sinag ng araw at tila ba gabi pa rin ang paligid nito, hanggang sa palasyo. Hindi niya maipaliwanag ang nangyayari, ngunit isa lang ang nasa isip niya. Isinumpa nang kung sino man ang kaharian, kaya ito nagkaganito. Mula nang makapasok sila sa lungsod ay naging maingat din ang galaw nila dahil sa mga taong naroon. Tulad ng mga bayan o lungsod na nakita nila ay ganoon rin naman sa Lema. Ang kaibahan nga lang ay hindi ito nasisinagan ng araw. Kaya laging madilim
