Habang papalapit ang mga dragon sa palasyo ay naging abala naman ang ilan sa paghahanda sa kung ano man ang gagawin nitong atake. Pumunta naman sa ligtas na lugar ang hari at reyna, maging ang Princesa. Alam nila kung ano ang sadya nito, kaya naman nakaramdam nang takot at pagkakabahala si Amera. Iniisip na lamang niya na sana ay nasa tabi niya si Hermes. Upang tuparin nito ang ipinangakong p-protektahan siya.
"Princesa Amera, ayos ka lang ba?" tanong sa kanya ni General Rui. Kasama nila ito, upang protektahan sila.
"Hindi ko alam kung magiging maayos ba ako. A-Alam ko naman na ako ang sadya nila, ngunit sadyang natatakot pa rin sa kung anong mangyayari sa taong nasa bayan," nag aalala niyang sabi.
Hinawakan ni Rui ang balikat niya upang pakalmahin.
"Huwag kang mag alala, walang mangya
