CHAPTER 27
Ilang buwan na ng huli magkita sina Lucas at Blessa sa hospital. Pero hindi pa rin mawala sa isipan niya ang dalaga. Akala ni Lucas, ngayong natapos na ang kanyang misyon ay tapos na rin ang naging kaugnayan niya kay Blessa. Ilang buwan na ang dumaan ngunit hindi ito nawaglit sa kanyang isipan. "Hinanap ko s'ya para sa'yo," ani Jaycee ng ilapag sa lamesa ang isang maliit na papel. "Baka gusto mo lang naman," nakangising dagdag pa nito. "Ginawa ko na rin 'yan. Alam ko rin kung saan s'ya nakatira," naiiling na tugon ni Lucas sa kaibigan. "Bakit hindi mo dalawin?" "Baka makaabala lang ako. No'ng nasa casa pa siya marami siyang kwento tungkol sa kanyang pamilya. Marami siyang plano kapag nakasama n'ya ulit ang pamilya n'ya. Kaya mas mabuting hayaan ko muna si Blessa," mahabang paliwanag n
- Writer
