KAHIT ANONG PARAAN, makasama lang ni Richard ang anak ay gagawin niya. Kaya pagkagaling sa kompanya ay nagtungo siya sa paaralan nina Mandy. Nalaman niya kasi na nag-resign ang isa sa mga guard doon at natitiyak niyang mangangailangan ang paaralan ng kapalit.
"Mr. Benedicto, sigurado ka bang nag-a-apply ka bilang guwardiya? You are overqualified," wika ng principal ng paaralan.
"Please, Ma'am, hire me. I really need this job."
Nagbuntong hininga ang prinsipal na hindi makapaniwala. "Bakit? Bakit sa dami ng trabaho, guwardiya pa?"
"Lahat ho ng trabaho na sinubukan kong pasukin, walang bakante. At sobrang wala ho akong pera. Kailangan kong kumita kahit pangkain lang," tugon ni Richard. "Please, Ma'am, hire me."
"Fine," wika ng prinsipal.
Muntik nang mapatalon sa tuwa si Richard. "Kaila
