"ANO NA NAMAN, LEO?" wika ni Theodore. Hindi na naman maipinta ang mukha ng kaniyang bunsong anak.
"Ano pa, Papá? Sino pa nga ba ang nagpapainit ng ulo ko nitong mga nakaraang araw kundi ang Arthur Benedicto na iyon," tugon ni Leo.
"Bakit na naman? Ano na naman ang ginawa ni Mr. Benedicto?"
"Alam n'yo ba kung nasaan siya? Nandoon sa eskwelahan ni Mandy, nagtatrabaho bilang guard."
Bahagyang natawa si Theodore. "At ano naman ang masama ro'n? Walang bakante sa kompanya natin, kaya naghanap siya ng ibang mapapasukan."
Umikot ang mga mata ni Leo. "Parehas lang kayo ng sinabi ng Arthur na iyon. Sa dami ng mapapasukan, sa paaralan pa talaga ni Mandy? Coincidence nga lang ba ang lahat? I doubt it, Papá," aniya. "Hindi n'yo ba napapansin, Papá, na bumubuntot siya sa pamilya natin simula noong
