PAGKATAPOS NG LIBING ni Richard Anderson ay kaagad dumeretso sina Theodore sa mansiyon.
"Sino ba ang lalaking iyon, Papá?" tanong ni Leo sa ama.
"Ang sabi niya ay Arthur Benedicto ang kaniyang pangalan. Tagahanga raw siya ng iyong kuya," tugon ni Theodore.
"Sinabi n'yo na iyan kanina, Papá. Hindi iyan ang ibig kong sabihin," wika ni Leo. "Hindi maganda ang pakiramdam ko sa kaniya."
"Bakit naman po, Uncle Leo?" singit ni Mandy. "Nice naman po si Tatay Arthur. Gusto nga rin po siya ni Cooper, eh."
Kumunot ang noo ni Leo sa narinig. "Anong tatay Arthur? Kakakilala mo lang sa lalaking iyon. Ano ba ang bilin sa iyo ng daddy mo? Huwag magtiwala sa hindi kakilala, 'di ba? Sa tingin mo matutuwa siya kapag nalaman niyang nakikipagkaibigan ka sa Arthur na iyon."
"Okay lang iyon, Uncle. Sabi na
