PANIBAGONG ARAW NA NAMAN para kay Richard. Dalawang linggo na ang nakalilipas, at wala pa ring progreso sa kaniyang misyon. Nagkakasya lamang siya na nakikita at nakakausap ang anak sa araw-araw. Hindi sapat iyon para sa kaniya. Maliban doon, paliit nang paliit ang kaniyang oras.
Breaktime nila noon nang mapansin niya na ang isang lalaking ngayon lamang niya nakita. Bumibili ito ng kung ano sa tindahan na malapit sa eskwelahan. Panay ang tingin nito sa gate. Inisip niyang baka may anak itong susunduin. Nakasuot ng itim na sumbrero ang lalaki, naka-jacket, at nakamaong na pantalon. Nang magtama ang kanilang mga mata ay agad iyong nag-iwas ng tingin.
Umalsa ang kakaibang hinala sa isip ni Richard. Naramdaman niyang may ibang pakay ang lalaki. Hindi niya inalis ang tingin dito. Bumalik na s
