"KAKASIMULA MO PA LANG DITO, aalis ka na agad, brod," nalulungkot na wika ni Gary kay Richard. "Ikaw pa nga lang ang nakasundo ko."
"Hayaan mo na, brod," tugon ni Richard. "Palagi pa rin naman tayong magkikita. Araw-araw kong ihahatid si Mandy. Dito ako tatambay habang hinihintay ang paglabas niya."
"Sa bagay," ani Gary. "Pero swerte mo, ha, magtatrabaho ka sa mga Anderson. Akalain mo iyon."
"Kaya nga," wika ni richard.
Bago matapos ang araw na iyon ay nakapagpaalam na si Richard. Bumalik siya sa inuupahan at kinuha ang kaunting gamit at saka nagtungo sa mansiyon.
"Pasok," wika sa kaniya ni Minda na napansin niyang tila nagpapacharming pa sa kaniya.
Napahinga nang malalim si Richard nang muling makatapak sa mansiyon- sa kaniiyang bahay.
"Mababait ang mga amo natin. Wala kang popro
