Chapter 56
“Pinagkatiwalaan kita. Itinuring kitang kapatid. Paano mo nagawa sa akin ito?”
Nakatingin si Alex sa ama ni Hermiliah. Pinagmamasdan niya ang reaksyon sa mukha nito. Alam ni Alex na ang nasasaktan ngayon ay ang kaniyang ama dahil matalik na kaibigan nito si Hebis—ang ama ni Hermiliah. Maski siya ay hindi makapaniwala na ito ang matagal na na nagtatraydor sa lahi nila.
Binigyan niya pa ito ng mataas na posisyon sa zone 3. Hindi niya sukat akalain na ang nilalang na kalaban nila ay kasama pala nila. Ano kaya ang pakiramdam nito noong panahon na nahihirapan sila kakaisip kung sino ang kalaban nila? Tiyak na tuwang-tuwa ito dahil napaikot sila nito.
“Hebis, magsalita ka, hindi mo manlang ba ipagtatanggol ang sarili mo? Hindi mo ba sasabihin sa akin ang dahilan mo kung bakit mo
