Hanggang sa makalabas kami ng ospital ni Scarlett ay ganoon pa rin ang trato niya sa akin. Hindi na niya ako kinakausap nang maayos. Malamig ang pakikitungo niya sa akin. Lahat ay ginagawa ko upang mawala na ang galit niya, ngunit paano ko nga ba magagawa iyon kung ako siya mismo ay lumalayo sa akin?
Masakit rin naman para sa akin ang mga nangyari. Anak ko rin ang nawala. Anak namin 'yun. Pareho lang kaming nawalan. Pareho lang kaming nasasaktan. Kaya hindi ko maintindihan kung bakit hanggang ngayon ay galit pa rin siya sa akin. Oo nga't may kasalanan ako sa mga nangyari, ngunit hindi ko rin naman ginusto na maaksidente kami. Kahit kailan ay hindi ko gugustuhin na mangyari sa amin 'yun.
God knows how much I love my family. Kahit na sarili kong buhay ay handa akong ibigay para lang protek
