Masakit ang katawan ko nang buksan ko ang aking mga mata. Puting kisame at dingding ang bumungad sa akin. Sinubukan kong umupo ngunit hindi ako nagtagumpay. Pumikit ulit ako at inalala ang mga nangyari bago ako mawalan ng malay.
Naaksidente kami ni Scarlett. Binangga ng humaharurot na jeep ang aming sasakyan. Tumama ito sa gilid kung saan nakaupo si Scarlett. Naaalala ko ang dugo sa kanyang mukha pati na rin sa pagitan ng kanyang mga hita.
Sht..
Minulat ko ulit ang aking mga mata. Hinanap ko si Scarlett ngunit hindi ko siya nakita. Si Mommy lamang ang naabutan ko. Nakaupo siya sa sofa malapit sa bintana habang nakatutok ang mga mata sa cellhphone.
"S-scar… Scarlett…" sambit ko.
Nag angat ng tingin si Mommy sa akin. Agad niyang nilapag ang kanyang cellphone sa mesa at nagmamadaling lum
