"Kumusta na ang apo namin?" salubong agad ng Mommy ni Scarlett pagdating nila sa ospital.
"Mino-monitor pa po ang kalagayan niya," sagot ko.
Tumango naman ang kanyang Daddy. Nilagay niya sa mesang nasa gilid ng kama ni Ellie ang dala nilang mga prutas.
"Ilang araw na ba siyang nilalagnat?" tanong naman ni Mommy. Umupo siya sa paanan ng kama ni Ellie.
"Kanina pong umaga. Pero nilagnat na po siya dalawang araw na ang nakakaraan," ani Scarlett. "Akala namin ay simpleng lagnat lang ito. Hindi naman po namin alam na…"
Pinisil ko ang kamay ni Scarlett nang hindi niya naituloy ang kanyang sasabihin. "Pero, ayon naman po sa doktor, magiging maayos din naman po si Ellie," dagdag ko para pagaanin ang loob nilang lahat.
"Paglabas ni Ellie ay tutuloy muna kami sa inyo," ani Dad. "Para naman may
