Naging masaya ang lahat sa magandang balita namin ni Scarlett. Hindi ko inaasahan na buntis ulit siya. Ang buong akala ko kasi ay iniinom pa rin niya iyong pills na nirekomenda sa kanya ng kanyang OB. Isa pa, ang sabi niya sa akin ay ayaw muna ulit niyang mag buntis. But now… she's really pregnant and I am so damn happy. Madadagdagan na naman ang mga taong mamahalin ko ng husto.
Hinaplos ko ang tiyan niya. Kahit na hindi pa ito ganoon kalaki ay palagi ko pa rin itong hinahawakan. Gusto ko kasing maramdaman ako ng anak namin kahit na dugo pa lamang siya. Pinapakinggan ko siya bago kami matulog.
"Sana ay lalaki naman ang pangalawang anak natin," malambot na sabi ni Scarlett. Hinawakan niya ang aking buhok.
Tumingin ako sa kanya at ngumiti. "Sana…" sagot ko. "Huwag lang sanang magmana sa a
