CEDRIC'S
TANGHALI ng maisipan kong umalis ng bahay sa pamilya ng Velasquez, kung saan nakikisama kami sa mga taong kriminal, mga hayok ang laman na ayaw umamin sa kanilang mga kasalanan. Ewan ko kung bakit naniniwala ang inay sa kanila samantalang kitang kita naman na ang ebidensya na ang ate nilang si Hera Velasquez ang may kagagawan nang lahat ng pangyayari kay ate Criselda.
Bata pa lang ako, mulat na sa reyalidad ang aking mga mata, maaga kaming pinamulat ng aming Inay dahil hirap kami sa buhay at hindi masagana ang ani ng mais sa amin. Sa probinsya kami rato nakatira, mahirap ang buhay don dahil kulang ang pagkayod ng Itay, kahit magdamag na siyang kumakayod ay kulang pa rin para sa aming lima ang kaniyang kinikita. Kaya naisipan naming pumunta ng bayan kung saan nakatira ang aming
