CEDRIC'S
SOBRANG nanghihina ang dalawa kong tuhod habang nakatingin sa aking ate Criselda na matagal na naming hinahanap, nanghihina ako at parang hindi makaalis sa aking pinagkakatayuan at para akong estatwang itinayo dahil sa aking postura, hindi makagalaw at para bagang nawalan ng boses dahil sa mga narinig ng dalawang tainga ko.
Hindi ko alam ang gagawin.
Wala akong ideya kung ano ang gagawin ko.
Isa lang ang pumapasok sa aking isipan.
Ang ate Criselda ang babaeng inaalipusta ng limang kalalakihan na malalaki ang katawan.
Nagising ako sa reyalidad ng makaramdam ako ng malakas na sampal na tumama sa aking kanang pisngi, sobrang lakas dahilan para matumba ako sa aking pinagkakatayuan. Pagkatingin ko ay isang batang lalaking gusgusin na kasing edad ko lang yata ang aking nakita ron.
