HERA'S
WALANG lumabas sa aking bibig kundi hangin, ni hindi ko alam kung ano ang dapat kong sabihin o itanong kay Bituin. Pakiramdam ko guguho ang mundo ko dahil sa information na nalaman ko mula sa kan'ya. Nakatitig lang ako sa kisame. Hindi binubuksan ang bibig at hindi nagsasalita. Pakiramdam ko nawalan ako ng dila at nawalan ako ng karapatang magsalita. Nanghihina ako at hindi makapaniwala. Hindi ako makapaniwala na siya ang puno't dulo ng lahat ng ito. Siya ang dahilan ng paghihirap ni Criselda.
Nagpakawala ko ng mahabang buntong hininga. Nakatingin lang sa akin si Bituin. Tila hinihintay niya ang isusunod kong itatanong sa kan'ya. Pero hindi pa makuha ng utak ko ang rebelasyong narinig ko mula sa kan'ya. Hindi sa hindi ko siya pinaniniwalaan, hindi ko lang talaga makuhang makapags
