HERA'S PERSPECTIVE
PARANG niyanig ng lindol ang tainga ni Hera, mas malakas pa kasi ang tili ng kaniyang katabi kaysa sa kan'ya na unang tumili dahil sa gulat dito. Pero natigil lang siya ng mapagtanto na hindi boses lalaki, o boses bakla ang narinig niyang tili. Malinaw na malinaw sa kaniyang dalawang tainga na boses ng babae ang narinig niya. Hindi niya puwedeng sabihin na nananaginip lang siya dahil kanina pa buhay ang diwa niya.
“Holy, damn! Hera?”
“Raquel!?”
Wala nang lumabas na boses sa bibig nilang dalawa. Mabilis lang silang nagyakap na tila matagal na nilang hindi nakita ang isa't isa. Sobrang thankful ngayon si Hera dahil ang kaniyang kaibigan ang katabi niya, takot na ang sistema niya sa nakaraang pangyayari na yumanig sa buhay niya. Hindi niya na 'to puwedeng maulit, mah
