Akala ko totoo ang mga pangakong binitiwan niya sa akin noon. Akala ko hindi na mauulit pa ang nangyari sa amin ni Louie noon. Akala ko mahal niya ako ngunit nagkamali mas masahol pa siya kay Louie…At mas matindi pa ang naramdaman kong sakit dahil naniwala ako sa kanya. Dahil buong pagkatao ko na ang naibigay ko sa kanya. Dahil mahal na mahal ko na siya.
Parang pinupunit ang puso ko sa sobrang sakit. Nagawa niyang ilihim sa akin ang lahat at nagawa niya akong mapaniwala na wala na sila ni Mari. Ngunit ano pa nga ba ang inaasahan ko? Hindi naman talaga ako ang una niyang minahal. At hindi naman ako ang pinangakuan niya ng kasal. Ngayon malinaw na ang lahat sa akin. Niloko ako ni Riko. Simula noon at hangang ngayon ay si Mari pa rin ang mahal niya. At ako asawa lang niya sa papel. Malinaw
