"MA, UMUWI po muna kayo ni papa para makapagpahinga kayo. Ako na po ang bahala rito," suhestiyon ni Elaine sa mama ni Enzo.
Ilang araw na kasing naglalagi sa ospital ang mga magulang ni Enzo. Halos ayaw umalis ni Mama Ruth sa tabi ng kamang hinihigaan ng asawa niya. Isang linggo na ang lumipas mula nang maaksidente ito. Halos mayupi ang buong SUV nito nang bumangga sa malaking delivery truck.
Mabuti na lang at may mga taong nakakita sa aksidente. Na-rescue agad ito at nadala sa ospital. Ang initial findings ng mga doktor ay may fracture ito sa kaliwang paa, gasgas sa ilang parte ng katawan, at sugat sa ulo. Pinakamalala ang damage sa ulo nito. May namuong dugo sa mismong utak nito. Kaya nadala sa ICU ang asawa niya.
Ilang araw din ito sa ICU. Kanina lang ito inilabas roon at ngayon n
