"ANONG ginagawa mo rito? Tinawag ba kita?" nakasimangot na tanong ni Enzo.
Napabuga ng hangin si Elaine na kapapasok pa lang sa kuwarto nito. Nadtanan niya si Enzo na nakatanaw sa bintana nito habng nakaupo sa wheelchair. Nagtataka siya kung paano ito nakarating sa wheelchair gayong may cast ang isang paa nito.Marahil malakas talaga ang loob nito na kumilos-kilos kahit pa kalalabas lang nito sa ospital.
"Dinalhan kita ng almusal mo," mahinahong sabi niya. Inilapag niya ang dalang tray sa mesa.
Ipinagulong nito ang wheelchair papunta sa tabi niya. "Bakit ikaw ang gumagawa niyan? Marami namang maid dito, ah."
"Hindi ba sinabi sa iyo ng mama mo na ako ang tagapag-alaga mo? Kaya lahat ng kailangan mo, ako ang mag-aasikaso."
Tumaas ang isang sulok ng labi ni Enzo. "Talaga? Pati rin ba a
