“Ouch, what was that for?”
Nagpantig ang tainga ni Stacy nang makita na may napadaan sa newsfeed ni Warren na litrato ng babaeng naka-bikini. Sexy iyon at mukhang modelo. Ang damuho, huminto pa sa mismong post nang sandali at tiningnan ang litrato bago ni-like. Kaya naman hindi na niya napigilan na sampalin ang pisngi ng asawa na prente ang pagkakaupo sa tabi niya habang nakasandal siya sa braso nito. Nanonood pa man din sila ng bagong teleserye ng kaibigan nitong aktor na si Carter Chen ngunit iba pala ang nais nitong pagkaabalahan.
Akmang hahawakan siya nito ngunit kaagad niyang tinabig ang kamay nito. “Huwag mo akong mahawak-hawakan, Timothy Warren! Baka magdilim ang mga mata ko at hindi kita matansiya!”
“What the hell did I even do?” nagugulumihanang tanong ng kanyang asawa.
Sarkas
