“Nagagalit ka pa rin ba sa’kin, Anastasia?” masuyong tanong ni Warren sa asawa nang makauwi sila sa kanilang tirahan. Bagaman sumama ito sa kanyang pag-uwi ay hindi pa rin siya nito kinikibo. Hindi niya tuloy mapigilang isipin na baka iniisip na nito na manloloko rin siya kagaya ng kanyang kapatid. Hinila niya ito at ikinulong sa loob ng kanyang mga bisig ngunit imbes na yakapin siya pabalik ay kumawala ito at dumiretso sa kanilang silid. Napabuntong-hininga na lamang siya at sinundan ang asawa. Tahimik nitong hinubad ang suot nitong bestida pagkatapos ay pumasok sa loob ng banyo. Dahil desperado ay tila may bumbilyang sumindi sa kanyang bumbunan.
Mahinang napatili si Anastasia nang makita siya na pumasok sa loob ng banyo. Nakaupo ito sa loob ng bathtub na puno ng tubig at awtomatikong na
