Napangiti si Warren nang mapansin ang mahinang paghihilik ng kanyang asawa. Inayos niya ang pagkakahiga nito at marahang hinawi ang buhok nito. Kahit na tulog ay talagang napakaganda nito sa paningin--
Huh?
Natigilan siya nang mapansin ang pangingitim ng leeg at batok nito. Napasobra ba ang pagsakal niya sa leeg nito habang nagtatalik sila kagabi kaya nagkapasa ito? Tinitigan niya iyon nang maigi pa. Mayamaya ay nasigurado niyang hindi iyon pasa.
Acantosis ‘to a, sa isip-isip niya habang tinitingnan ang bahagyang nangingitim na parte ng katawan ng kanyang asawa. Mukha lamang iyong kumpol ng dumi sa balat ngunit dahil doktor siya ay alam niya na dulot iyon ng hormonal imbalance at hindi ng pagiging pabaya sa katawan. May problema ba sa kalusugan si Anastasia?
Maingat siyang bumangon a
