"POGI nang anak ko, ah," komento ni Zoey kay Zeus nang matapos niya itong bihisan pagkatapos niya itong paliguan.
Linggo kasi ng araw na iyon at magsisimba silang dalawa. At pagkatapos nilang magsimba na dalawa ay ipapasyal niya ito sa Mall. Matagal na kasi noong nakapasyal silang dalawa. Simula noong magkasakit ito ng dengue ay iniiwasan na niyang ipasyal ang anak sa labas. Natatakot kasi siya na baka may masagap na naman ito na sakit sa paglabas nila. Ayaw na kasi niyang maulit ang nagyari dito ng ma-ospital ito. Pero ngayon ay nag-desisyon siyang ipasyal to dahil sa kagustuhan din nito. Gusto din daw nitong lumabas at naiintindihan naman niya ito. Alam niyang nabo-bore na ito sa loob ng condo.
"Talaga po, Mama? Pogi na po ako?" balik tanong naman nito.
Tumango-tango naman siya bil
