AKMANG hihiga na si Zoey sa kama ng tumunog ang ringtone ng cellphone niya. Kinuha naman niya iyon na nakalapag sa ibabaw ng bedside table. At hindi niya napigilan ang mapakunot ng noo nang makitang si Greyson ang tumatawag sa kanya sa sandaling iyon. Saglit naman siyang napatitig sa nagri-ring na cellphone niya. At sa halip naman na sagutin niya ang tawag nito ay denecline niya iyon. Pagkatapos ay in-off niya ang cellphone para hindi ito makatawag pa sa kanya. Baka kasi muli na naman itong tumawag. Patulog na siya at gusto niyang matulog ng matiwasay at nang hindi naiistorbo.
Nasa condo niya si Zoey sa sandaling iyon. Pagkatapos niyang umalis sa Galvez Empire nang maihatid niya ang folder na inuutos nito sa kanya ay dumiretso siya sa condo niya. At habang nando'n siya ay naisipan niyang
