Chapter 24
Silvana
Payapa at walang kahirap hirap akong nakalabas sa bahay nila Rafael, muntik pa akong maligaw dahil napakalaki niyon pero dahil pamilyar na ako sa ibang parte ng bahay, naging madali na lang ang lahat.
Idagdag pa na abala ang lahat dahil siguro may mangyayaring party sa mansion kaya walang nakapansin sa akin.
Nang makalabas ako sa teritoryo ng mga Rowlings ay agad akong sinalubong ng mainit na sinag ng araw. Biglang gumanda ang pakiramdam ng balat ko dahil kanina, habang nasa kwarto ako ni Rafael halos manigas na ako sa sobrang lamig. Ang lamig kasi sa kwarto ng lalaking iyon, bagay na bagay sa pagkatao niya.
Hindi na ako nagtataka kung bakit ganoon kaayos at kaluma ng kwarto ng lalaking iyon, angkop na angkop sa kaniya ang kwarto niya.
Napailing na lang ako dahi
