Kasalukuyang naglalakad si Asher ng tumunog ang cellphone niya na nasa loob ng bulsa nang kanyang pantalon. Nagmamadali na inilabas ito at sinagot ang tawag.
“Boss, hawak na ni sir. Huessaff si Ma’am Lovely!” Natigilan si Asher at parang tinakasan ng kaluluwa ang kanyang mukha. Matinding takot ang lumukôb sa kanyang dibdib ng mga oras na ‘yun. Kaagad na pumihit pabalik si Asher at malaki ang mga hakbang na tinungo ang kinapa-paradahan ng kanyang sasakyan.
Parang hinampas ang kanyang dibdib, dahil sa lakas ng kabog nito. Halos paliparin niya ang kanyang sasakyan patungo sa lokasyon na kinaroroonan ng kanyang kapatid. Habang ang mga tauhan niya ay nakasunod lang sa hulihan ng kanyang sasakyan.
Pabalagbag na humimpil ang kanyang kotse sa harap ng isang malaking bahay. Ngunit, saglit na
