LIHIM na nagngingitngit ang kalooban ni Lenneth sa ginawang pambubugaw ng mga kaibigan niya sa kanya. Akala niya malinaw sa kambal na ayaw niyang makaharap ang kahit na sinong lalaking nagpapagulo sa utak niya ngayon ngunit hindi pala.
Kung alam lang niya na may balak ang mga itong iwan siya mag-isa 'di sana'y nagtaxi na lang siya pauwi o 'di kaya hindi na lumabas pa ng condo.
"Are you okay, Lenneth?" tanong ni Ace.
Hindi siya nag-abalang sagutin ito, itinuon niya ang paningin sa labas ng bintana at pinagkrus ang mga balikat.
Hindi siya okay. Ipinagkanulo siya ng dalawang kaibigan at halos ipagtulakang sumama kay Ace at magpahatid. Tutol si Ian sa umpisa ngunit may ibinulong ang kambal nito kaya napapayag na rin ni Iya.
At mas lalong hindi siya magiging okay, maaaring sa panlabas na
