"So, how's Russia?"
Tinanggal ko ang mga mata ko sa tanawing nasa labas ng bintana at itinuon iyon kay Kuya.
"Ilang oras na tayong magkasama at mula pa kanina nang sunduin kita sa airport at hanggang ngayon na malapit na tayo sa Hespheria ay hindi ka pa din nagsasalita. Baka naman gusto mong magkwento?"
Natawa ako sa pagsusuplado n'ya. Dalawang taon na ang lumipas mula nang magdesisyon akong umalis ng Pilipinas at ngayon pa lang ako nakabalik pero hindi pa din nagbabago ang pagiging bugnutin ni Kuya.
"Ano namang sasabihin ko?" I asked. Muli kong tinanaw ang malawak na palayan na nasa magkabilang bahagi ng kalsada.
Kulay ginto ang kulay ng mga palay. Hitik sa bunga ang bawat uhay at sumasabay pa ang mga iyon sa bawat pag-ihip ng hangin.
Dalawang taon na ang nagdaan mula nang umalis
