Wilemna's Pov:
Nagising ako dahil sa mahinang pagkalansing ng kung anong metal na bagay. Ayoko mang bumangon para mas makatulog pa ay ginising na ako ng tunog na iyon. Pupungas-pungas na naupo ako sa kama para tingnan ang paligid.
Ilang beses pa akong napahikab dahil sa antok. Naitakip ko pa ang kamay ko nang direktang tumama sa mukha ko ang sikat ng araw na tumagos sa malaking sliding door. Ni hindi naging sapat ang makapal na puting kurtinang tumatakip doon. Maging ang ilang matatangakad na halaman na nasa gilid ay hindi naitago ang init ng araw.
Napasulyap ako sa paligid na nasa labas ng malapad na sliding door.
Umaga na naman pala. At katulad ng mga nakaraang araw ay maganda at tila nasa mood ang kalangitan na magbigay ng maganda at maaliwalas na panahon. Sa taong ito ay miminsan k
