Pasulyap-sulyap siya sa anak na nakatalungko sa may mesa habang nagluluto siya ng almusal. Mukhang hindi maganda ang gising ni Nikolai. Hanggang sa makatapos siya sa pagluluto ay ganon pa rin ang ayos nito.
“Are you okay?” tanong niya at bahagyang sinalat ang noo ng anak. Hindi naman ito mainit kaya wala itong lagnat.
Mabagal itong tumango bago umayos ng pagkaka-upo. Kinuha nito ang mangkok na may lamang champorado at saka ito kumain. Nanatili itong tahimik na hinayaan na lang niya dahil baka sadyang hindi lang talaga maganda ang gising ng anak niya.
After Nikolai took a bath, pinagbihis na niya ito. Gusto niya pa sanang tanungin kung gusto ba nitong pumasok ng paaralan o hindi. Subalit, bago pa man niya ma-ibuka ang kanyang bibig ay isinabit na nito sa mga balikat ang mga strap ng ba
