Ikadalawampu't Walo na Kabanata
Sina Lola Marie at Farah
Point of View: Third Person
Sa pagmulat ng mga mata ni Clairn, isang hindi pamilyar na silid na ang kaniyang nakita. Agad siyang napabalikwas ng upo dahil sa bigla ngunit agad ring napahiga nang sumakit ang tagiliran niya.
Umiingit niyang sinuri ang kaniyang tagiliran. May malaki siyang pasa doon ngunit wala namang malalim na sugat. Tanging maliliit na gasgas at tama lang ng espada ang naroon dahil sa pakikipagharap kay Sebastian.
Nang masiguro niya na wala siyang kritikal na natamo ay sinuyod niya ang silid. Ayon sa ilang poste na naaagnas na ay mukhang mahirap lang ang nakatira dito. Dahon na lamang ng buko ang nagsisilbing niyang bubong sa init ng araw sa labas.
Walang masyadong kagamitan sa loob maliban sa takure at isang k
