Ikadalawampu't Siyam na Kabanata
Ang pagsasanay
Point of View: Third Person
"Hindi mo natabas nang maayos ang mga damo sa gawing iyon, bata!" bulalas ng matanda kay Clairn habang nakaturo sa kanang bahagi ng kaniyang mga tanim.
Nakaupo siya kasama ni Farah sa hamba ng hagdan ng kanilang bahay. Prente silang nagpapahangin doon habang pinanonood si Clairn na magbilad sa ilalim ng araw.
Agad namang tumayo si Clairn sa kinauupuan dahil sa pagsigaw nito. Tagaktak na ang kaniyang pawis dahil madaling araw pa lang ay ginising na siya agad ng matanda upang utusan nang utusan.
Binitbit niya ang pantabas na nakatayo na sa gilid bago pumunta sa gawing tinuturo nito. Labag man sa loob ay tinagpas pa rin niya ang mga damo na makita niya na para bang mayroon siyang kaaway na kasalukuyan niyang gi
