Ikatatlumpung Kabanata
Ang pagpapatuloy
Point of View: Third Person
"Ano ang nangyari sa 'yo, Ginang Clairn?" bungad na tanong ni Farah nang makita ang lagay nito. Hindi niya maiwasang hindi mag-alala dahil ibang-iba ito sa babaeng pinanood niyang umakyat ng bundok kanina.
Gula-gulanit na ang suot na damit nito. May mga dumagdag na galos sa kaniyang mukha na pagaling na sana. Ang ilang sugat ay may dumadaloy pang dugo ngunit parang wala lang sa kaniya. Hindi man lang niya nagawang pahirin ito. Ni hindi nga yata niya alam na may sugat siya.
Madungis din ang itsura niya na para bang isang paslit na naglaro sa putikan. Sira na rin ang takip ng hawak nito kaya nakumpirma niyang espada nga ang laman ng puting tela na lagi niyang dala.
Ngunit taliwas sa iniisip niya ay wala naman iyong bah
