ii. Extra Chapter
Point of View: Third Person
Ten Years Later...
Mabilis ang pagtakbo ng kabayo ng ikalawang prinsipe habang tinatahak ang mapunong bahagi ng Silangan ng Nearon. Nang masiguro niyang kaya na niyang bumitiw sa tali na nagkokonekta sa kabayo ay maingat niyang kinuha ang kaniyang pana at palaso na nakasukbit sa kaniyang balikat.
Hindi niya pa rin inaalis ang tingin sa isang usa na mabilis ang ginagawang pagtakas mula sa kaniya. Ni hindi siya kumurap man lang dahil sa takot na baka makatakas ito sa kaniyang paningin. Nang maiayos ang pana ay saka niya tinutok iyon sa usa at pinuntirya ang puso nito.
Ngunit nang mabitiwan niya ang palasyo ay bigla namang lumihis ang kabayo ng landas dahilan para mawalan siya ng balanse. Humanap siya ng makakapitan at agad na nakahawak sa ta
