Ika-apatnapu’t Pito na Kabanata
Imbitasyon
Point of View: Third Person
Sa sulok ng mga mata ni Clairn ay nakita niyang balak sumugod ni Olivia sa lalaking kaharap kaya agad niya itong pinigilan. “Diyan ka lang. Ako ang bahala sa isang ‘to.” Hindi niya tinatanggal ang tingin sa lalaki na para bang kapag ginawa niya iyon ay mawawala ito sa kaniyang harapan.
Napangisi si Sean sa sinabi nito at hindi napigilang magsalita. “Kung nakikita lang tayo ng ikalawang prinsipe ay baka nasapak na niya ako, lalo pa kung maririnig niya ang mga katagang iyan.”
Naramdaman niyang muli ang kakaibang pag-ikot sa kaniyang sikmura na agad niyang binaling sa iba ang kaniyang atensyon. “Wala akong alam sa sinasabi mo.”
Hinampas niya ang kanang kamay na nakahawak sa kaniyang espada upang putulin ang kamay n
