Pagkagising niya ay kaagad siyang bumangon at pumunta sa ground floor.
"Oh, anak? Ang aga mo namang nagising," bungad sa kaniya ng kaniyang inang busy sa paghahanda ng agahan.
Napahawak siya sa kaniyang tiyan, "Ewan ko pero nagugutom po kasi ako, eh."
"Konti lang kasi siguro ang kinain mo kagabi. Heto, kumain ka na." Inilapag nito sa mesa ang mga pagkaing bagong luto.
"Parang ang sasarap po niyan, ah! Teka po, maghihilamos lang muna po ako," pakli niya. Dumiretso siya sa lababo at naghilamos.
Pagkatapos niyang maghilamos ay kaagad siyang naupo sa harap ng mesa, "Mama? Sabay ka na po sa 'king kumain. Si Avery po?"
"Mamaya na lang ako, anak. Alam mo namang hindi ako sanay mag-almusal ng napakaaga," tanggi nito sa kaniya. "Si Avery, maya-maya gising na iyon," dagdag nito.
"Ah, si
