"Good morning, Rose! Nandiyan na ba siya?" bungad niya kay Rose, pagkarating niya sa twenty-fifth floor.
Napalingon ito sa gawi niya at nginitian siya, "Naku, wala pa si Sir, eh."
"Wala pa? Sobrang one week na siyang wala, ah. Tumawag na ba siya rito sa inyo?" alala niyang tanong.
"Hindi nga, e. Ikaw naman, baka gusto pa namang magpahinga ni Sir ng medyo matagal. Miss mo na talaga siya, ano?" pangiti-ngiting pakli nito.
"E, sobrang tagal naman ng bakasyon niya. Oo, miss ko na talaga siya, bakit?"
"Ah, akala ko kasi itatanggi mong miss mo na siya. Pa'no 'yan? Wala pa talaga si Sir. Bakit hindi mo na lang kasi tawagan o kaya padalhan ng mensahe para naman matahimik na 'yang puso mo sa kakahanap kay Sir," biro nito.
"Tse. Puso ka riyan! Sige na, aalis na ako kasi baka hindi ka na m
