"Mahal ko, mauna na ako sa baba, ha? Bumaba na kasi sina Rose, sabihan ko lang na kasama ka bukas," wika niya.
"Sige, mahal ko," tugon nito.
Tatalikod na sana siya nang tinawag siyang muli ni Lune Bleue. "Saan ka pupunta?" tanong nito kaya napalingon siya.
"Sa lobby, bakit?" sambit niya.
Nag-pout ito at hindi umimik.
"O, bakit?" tanong niyang muli.
"Sige na, umalis ka na," nakasimangot na tugon nito.
Napaisip naman siya kung bakit nagkakaganito ang boyfriend niya. Ano kaya ang problema niya? May nasabi ba akong hindi niya nagustuhan? Sa pagkakaalam ko wala naman, eh.
Nilapitan niya ito. "May masakit ba sa 'yo, mahal ko?" lambing niya rito.
"Kinakalimutan mo na ako," wika nito kaya mas lalo siyang naguluhan. Kaloka naman ang lalaking ito, ano ba ang pinagsasasabi niya?
"Ma
