"How did he know?" mahinang tanong ni Basti.
Katatapos lang namin makipag-usap kay Charles at ngayon ay didiretso kami sa bahay ng lolo nila. Napaisip din ako kung paano nalaman ni Lolo Sergio ang tungkol sa pagpapanggap namin noon. At base sa tono ng boses ni Charles kanina, malamang ay masama ang loob ni lolo sa nalaman.
Huminga ako nang malalim upang mabawasan kahit papaano ang kaba ko. Ngunit habang umaandar itong sasakyan at papalapit kami nang papalapit sa pupuntahan namin, mas lalo lang tumitindi ang kabang nararamdaman ko.
"Sino naman kaya ang nagsabi sa kaniya. For sure hindi sina Mads at Charles iyon," sabi ko. Wala naman silang dahilan para sabihin iyon kay Lolo Sergio. Bukod sa kanilang malapit kay lolo, sino pa ba ang nakakaalam na maaaring magsabi sa kaniya?
Kumunot nam
