Pagkatapos namin magligpit sa kusina ay umakyat muna ako sa kwarto ko para maligo. Si Basti naman ay nasa CR sa baba para maghilamos.
Pagkapasok ko sa CR ay napatingin agad ako sa salamin. Namumula pa rin ang pisngi ko sa tuwing naaalala ang ginawa ni Basti kanina. That was not our first and it was just a smack, pero grabe 'yung epekto.
Huminga ako nang malalim at nagsimula ng maligo.
Pagkatapos kong mag-ayos ng sarili ay bumaba na rin ako. Naabutan ko si Basti na nakaupo sa sofa.
"Hindi ba nalagyan ng icing 'yang damit mo?" tanong ko.
"Hindi naman pero magpapalit na lang din ako mamaya. I have extra shirt in my car," sagot niya.
"Sige. Kukunin ko lang 'yung cupcakes," paalam ko at nagtungo sa kusina. Kumuha ako ng ilang cupcakes at pati na rin ng juice. Pagkatapos ay dinala ko na iy
