Napatingin ako sa paa kung hindi na masyadong namamaga. Mukhang maari na akong makakilos ng malaya dahil ngayon na rin aalisin ang semento ang paa ko. Wala namang bali pero sabi ng doctor kailangan daw na huwag ko itong magalaw para tuloy-tuloy ang pag galing kaya ito ang ginawa sa paa ko.
Nakauwi na ang pamilya ni Diego sa Quezon. Nag-aalala nga sila sa akin dahil baka daw hindi ako alagaan ng mga tao dito. Lalo na at mag-uumpisa na ang klase ni Paloma kaya wala na akong madalas na kasama dito. Si Diego hayon at hindi parin ako pinapansin hindi ko alam kung galit ito o kung ano. Pero wala naman akong magagawa kung ayaw niya akong kausapin.
“Kumusta Banya? Sakit pa?” napasimangot ako ng marinig ang tinawag sa aking pangalan ni Boni.
“Abba, hindi Banya. Tsk!”
“Pinaarte mo lang pareh
