NAGTUNGO muli si Kenichi sa The Black Diamond Bar. Malapit nang maganap ang tournament sa grupo niya, dadanak na naman ng dugo. Kailangan niyang galingan sa laban kaya naman matindi rin ang kanyang pagsasanay. Naikuyom niya ang kanyang kamao dahil hindi niya alam kung bakit dito siya dinala ng kanyang mga paa.
Hindi ka narito para sa kanya. Narito ka dahil gusto mong tumakas kahit saglit lang sa reyalidad ng iyong buhay, katwiran ni Kenichi sa sarili na ang tukoy ay si Eleri.
Napailing na lang siya. Hindi niya maramdaman sa sarili na naroon siya para uminom ng alak. Alam niya na kahit pa magsinungaling siya ng isang daang libong beses na nais niyang makita ang dalaga. Gayunman ay nag-aatubili siyang pumasok sa loob ng inuman.
May mga lumabas mula sa loob kaya mas itinago niya ang sar
