HALOS walang masilayang sinag ng araw si Eleri sa loob ng ilang araw kahit pa nga maliwanag naman. Naroon pa rin siya sa silid na pinagmulatan niya at patuloy na ikinulong doon ni Mateo.
Ano na ang gagawin ko ngayon?
Kenichi!
Alam niya na kailangan niyang magpakatatag, ngunit mababaliw na siya rito sa bahay ni Mateo. May isang linggo na siya sa silid na iyon kung ang pagbabasehan ay ang pagpalit ng liwanag at dilim sa labas ng bintana. Iyon na yata ang pinakamahabang isang linggo niya sa buong buhay niya.
Naaalala niya ang sinabi ng lalaki na walang nagtatangka na hanapin siya. Nagawa pa nga raw ni Kenichi na sumali sa tournament para makipaglaban habang narito siya sa Sicily. Alam niya ang tungkol doon at nakatakda talaga iyon na maganap. Ilang linggo na nagsasanay si Kenichi para sa
