SA ISANG gusali na matatagpuan sa liblib na lupain na pag-aari ng Takayama maririnig ang mabigat na pagsinghap at paghiyaw ng isang nilalang.
Naliligo na sa pawis si Kenichi. Pinagsusuntok niya ang isang heavy punching bag na nakasabit sa kisame. Doble ang bigat nito sa normal na bigat ng tao. Disoras na iyon ng gabi kaya wala na sa paligid ang iba pang nag-eensayo rin na tulad niya.
Buong lakas ang ibinibigay niya para kung sakaling dumating ang takdang oras ng labanan kung saan kailangan niyang magwagi ay maibibigay niya rin ang lahat ng makakaya niya.
“Yahhh!” Isang malakas na sipa ang ginawa niya sa bag dahilan para sumayaw ito sa hangin. Huling pagkilos niya na iyon para sa araw na iyon.
Napahawak siya sa kanyang tuhod habang hinahabol ang hangin. Ramdam niya na ang pananakit n
