NAPANSIN ni Eleri na madilim ang anyo ng lalaki hanggang sa makabalik sila sa sasakyan para umuwi sa tirahan nito na alam niyang sa probinsiya pa. Nagdudugo ang kanyang damdamin kaya hindi niya mapigilang humikbi habang nasa biyahe.
Ang hinayupak na iyon! Kasalan niya kung bakit ako natalo sa pustahan namin ni Kenichi!
Nagpunas siya ng luha. Ang sama-sama ng tadhana sa kanya. Nakita na nga niya kung gaano kasiraulo ang kanyang nobyo, natapilok pa siya.
“Stop crying!” singhal ni Kenichi na halos atakihin sila ng driver sa puso. Ang laki at ang bigat ng tono ng boses nito, halatang wala sa mood.
Kung sabagay, ikaw ba naman ang masugatan ng patalim.
“Ganyan mo ba kamahal ang nobyo mo para ngumawa ka dyan na parang kabayong hindi manganak?”
Pinukulan niya ito ng masamang tingin. “No
