Sakay sa sasakyan ng lalaki na Toyota ay hindi mapakali si Eleri. Paano nga ba kung hindi siya hinahanap ng kanyang nobyo? Bukod sa masasaktan siya ay matatalo siya sa usapan nila ng lalaki.
Ilang minuto pa bago sila nakarating sa Maynila. Tama ang hinala niya na sa probinsiya siya nito dinala dahil sa hampas ng alon na naririnig niya sa isang parte ng tahanan nito. Alam niya na malapit sila sa dagat. Hindi niya lang iyon matanaw dahil ang tataas ng pader sa tirahan ni Kenichi.
“Kapag ganitong oras, saan mo iniisip na narooon ang nobyo mo?” pukaw sa kanya ng lalaki.
“Sigurado ako na naroon siya sa magiging tirahan namin. Hinihintay niya ako ro’n dahil alam niyang babalik ako.”
Tumaas ang isang sulok ng labi nito dahilan para makaramdam siya ng inis. Ano na naman kaya ang naglalaro sa
