LUMIPAS ang isang linggo na hindi niya nakita ang lalaking naka jacket ng itim.
Naroon si Eleri sa tanggapan ng mananahi na gumawa ng kanyang traje de boda. Nasabi na niya sa kanyang nobyong si Michael na kukunin niya ang gown sa araw na iyon. Isang linggo na lang ay ikakasal na siya rito. Inilabas ng mananahi ang kanyang gown na nakapaloob sa isang box.
“Heto po, Miss Eleri. Pwede mong suriin.”
Binuksan niya iyon at tumambad sa kanya ang puting-puting gown. Marahan niyang ipinasada ang kanyang daliri sa tela, pagkatapos ay iniangat niya ito para mapagmasdan nang mabuti. May manipis itong strap pang suporta, may mga maliliit na beads na nakakalat na parang bituin sa parteng dibdib. Pinaghalong silk at lace ang tela nito na nakadagdag sa pagkaelegante ng kanyang susuotin.
“Pwede ko ba
